क्रिस्टियानो रोनाल्डो वालोन डी ओरको प्रारम्भिक सूचीमै परेनन्
-आस्था न्यूज
भदौ २१, २०८० काठमाडौं ।
क्रिस्टियानो रोनाल्डो विश्व प्रतिष्ठित फुटबल अवार्ड वालेन डी ओरको प्रारम्भिक सूचीमै परेनन् ।
आयोजक संस्थाले बुधबार राति अवार्डका लागि प्रारम्भिक खेलाडीको सूची सार्वजनीक गर्दा रोनाल्डो नपरेका हुन् ।
सन् २००३ पछि पहिलो पटक रोनाल्डो प्रारम्भिक सूचीमा नपरेका हुन् । रोनाल्डो ५ पटक यस अवार्डका विजेता हुन् । उनी अहिले साउदी क्लब अल नासिरबाट ब्यवसायीक फुटबल खेलिरहेका छन् ।
३० खेलाडीको प्रारम्भिक सूची सार्वजनीक गर्दा म्यानचेस्टर सिटीका ७ खेलाडीले स्थान बनएका छन् । जसमा प्रिमियर लिग खेल्ने १२ खेलाडी समावेश छन् ।
लियोनल मेस्सीलाई समावेश गर्दै आयोजकले प्रारम्भिक सूची सार्वजनीक गरेको हो । विश्व विजेता मेस्सी आठौं पटक वालोन डी ओर जित्न सक्ने सम्भावित खेलाडीको रुपमा हेरिएको छ ।
म्यानचेस्टर सिटीलाई युरोपमा ट्रेबल उपाधि जिताएका कीर्तिमानी गोलकर्ता हालान्डदेखि केभिन डी ब्रुइन, रुबिन डायस, विश्व विजेता जुलियन अल्भारेज, बर्नान्डो सिल्भा, रोड्री र जोस्को ग्वार्डिओल सूचीमा परेका छन् । यसै सिजन बार्सिलोना गएका गुन्डोगन समेत प्रारम्भिक नामावलीमा अटाएका छन् ।
इङ्ल्याण्डको राष्ट्रिय टिमका ह्यारी केनदेखि जुड बेलिङ्घम र बुकायो साका समेत प्रारम्भिक सूचीमा छन् ।
