चलचित्र ‘दिमाग खराब’को गीत ‘बिरामी मुलुक’ सार्वजनिक
-आस्था न्यूज
असोज ४, २०८० काठमाडौं ।
कात्तिक २४ गतेबाट प्रदर्शनको तयारीमा रहेको चलचित्र ‘दिमाग खराब’को पहिलो लिरिकल गीत सार्वजनिक भएको छ । संविधान दिवसको अवसर पारेर ‘बिरामी मुलुक’ बोलको गीत सार्वजनिक गरिएको हो ।
लिरिकल गीतमा जयन जे वाइवाको शब्द, संगीत तथा स्वर छ । लिरिकल भिडियोका चल अचल दृश्यमा प्राय सवै कलाकारलाई कारेक्टर लुक्समा प्रस्तुत गरिएको छ । सार्वजनिक गीतका शब्दले देशको वर्तमान अवस्थालाई चित्रण गरेको छ ।
सिनेमा आर्टस र ब्ल्याक हर्स पिक्चर्सको संयुक्त निर्माण रहेको सिनेमा आकाश बरालले लेखेका हुन् । निश्चल बस्नेतको निर्देशनमा निर्माण भएको चलचित्र ‘दिमाग खराब’मा दयाहाङ राई, खगेन्द्र लामिछाने, स्वस्तिमा खड्का, अर्पण थापा, विजय बराल, सुमन कार्की, पुष्कर गुरुङ, माओत्से गुरुङ, राजन खतिवडालगायत कलाकारको अभिनय छ ।
