‘उपहार’ को गीत ‘वाह वाह वाह’ सार्वजनिक
-आस्था न्यूज
कात्तिक १५, २०८० काठमाडौं ।
चलचित्र कलाकार रेखा थापाले निर्माण गरेको चलचित्र ‘उपहार’ को गीत सार्वजनिक हुने भएको छ ।
ज्ञानेन्द्र देउजाको निर्देशनमा तयार भएको सो चलचित्रको ‘वाह वाह वाह’ बोलेको एउटा गीत शुक्रबार सार्वजनिक गर्न लागिएको हो ।
शंकर अधिकारी घायलले लेखेको सो गीतमा बाबुल गिरी र एलिना चौहानको आवाज सुन्न सकिन्छ भने बाबुल गिरीले नै संगीत गरेका हुन् ।
कविराज गहतराजले नृत्य निर्देशन गरेको सो गीतको छाँयाङ्कन विष्णु कल्पितले गरेका हुन् ।
निर्देशक देउजाले, नेपालीहरुको सांस्कृति पर्व तिहारलाई लक्षित गरी गीत सार्वजनिक गरिएको बताए ।
सो चलचित्र रेखा फिल्मस् र गपनगढी सिनेमा प्रालिको संयुक्त ब्यानरमा तयार भएको हो । चलचित्रको छाँयाङ्कन केही हप्ताअघि मात्रै सकिएको थियो । रेखा थापा, पूजा शर्मा, बेनिसा हमाल, मुकुन भुसाल, तेज गिरी र समर्पण थापालगायत अभिनित सो चलचित्र आगामी माघ २६ गते प्रदर्शनमा ल्याउने तयारी रहेको बताईएको छ ।
