नेपालले यूएईविरुद्धको ट्वान्टी-२० विश्वकप छनोट एसिया क्षेत्रको सेमिफाइनल खेल जित्न १ सय ३५ रनको लक्ष्य पाएको छ ।
मूलपानी क्रिकेट मैदानमा शुक्रबार यूएईले टस जितेपछि पहिला ब्याटिङ गर्ने निर्णय गर्दै १३४-९ को स्कोरमा रोकियो । नेपाल र यूएईको खेल हेर्न हजारौं दर्शक मूलपानी क्रिकेट मैदान पुगेका छन् ।
नेपाल क्रिकेट संघ (क्यान) ले ३५ सय टिकट मात्रै बेचेको जनाए पनि दर्शकहरू बाटो, घरको छतमा बसेर खेल हेरिरहेका छन् ।
