विश्वकप फाइनल जारी, स्ट्रेलियाले बलिङ गर्दै
-आस्था न्युज
मंसिर ३, २०८० अहमदावाद ।
भारतमा जारी १३ औँ एकदिवशीय विश्वकपको फाइनल सुरु भएको छ ।
अहमदावादमा नेपाली समयअनुसार २ बजेर १५ मिनेटमा खेल सुरु भएको हो ।
फाइनलमा अस्ट्रेलियाले टस जितेर पहिला बलिङ रोजेको छ ।
विश्वकप फाइनलको इतिहासमा ७ पटक पहिला ब्याटिङ गर्ने र ५ पटक लक्ष्य पछ्याउने टोलीले उपाधि जितेका छन् ।
जारी विश्वकपमा भारतले सुरुका ५ खेलमा लक्ष्य पछ्याएर जितेको थियो भने त्यसपछिका ५ खेलमा पहिला ब्याटिङ गरेको थियो ।
जारी विश्वकपमा पहिला ब्याटिङ गरेका कुनै पनि टोलीले भारतविरुद्ध २ सय ९० भन्दा बढी रन बनाउन सकेका छैनन् ।
अस्ट्रेलियाले सेमिफाइनलसहित पछिल्ला लगातार तीन खेल लक्ष्य पछ्याउने क्रममा जितेको छ ।
