सूर्य नेपाल सेन्ट्रल ओपन गल्फ भोलि सोमबारदेखि गोकर्ण गल्फ कोर्समा सुरु हुने भएको छ ।
सूर्य नेपाल गल्फ टुर २०२३/०२४ को पहिलो प्रतियोगिताको रूपमा रहेको सूर्य नेपाल सेन्ट्रल ओपन सोमबार हुन लागेको हो ।
आयोजक नेपाल प्रोफेसनल गल्फर्स एशोसिएशनले आइतबार पत्रकार सम्मेलनको आयोजना गर्दै यस सिजनको सूर्य नेपाल गल्फ टुरको सुरुवातबारे जानकारी दिएको थियो ।
सूर्य नेपाल गल्फ टुर २०२३/०२४ अन्तर्गत कुल आठ वटा प्रतियोगिता छन् । जसमध्येको पहिलो प्रतियोगिता भोलि सोमबारदेखि सुरु हुन लागेको हो ।सूर्य नेपाल प्रिमियर गल्फ च्याम्पियनसिपबाट यस सिजनको टुर सम्पन्न हुनेछ ।
