विपिन जोशीको रिहाइको पहल गर्न परराष्ट्रमन्त्री साउद कतार जाने
-आस्था न्युज
मंसिर १३, २०८० काठमाडौं ।
परराष्ट्रमन्त्री नारायणप्रकाश साउद (एनपी) कतार भ्रमणमा जाने भएका छन् ।
इजरायलमा प्यालेस्टाइनी समूह हमासको नियन्त्रणमा रहेका भनिएका कञ्चनपुरका विपिन जोशीको रिहाइको पहल गर्न उनी मंसिर २३ गते त्यसतर्फ जाने भएका हुन् ।
यसअघि परराष्ट्र मन्त्री साउदले विपिन जोशीको रिहाइको लागि पहल गरिदिन कतारका विदेश राज्यमन्त्रीसँग आग्रह गरेका थिए ।
विपिन जोशी पढ्दै–कमाउँदै कार्यक्रममार्फत इजरायल पुगेका थिए ।
गत अक्टोवर ७ मा प्यालेस्टाइनी समूह हमासको आक्रमणमा परि १० जना नेपाली विद्यार्थी मारिएका थिए ।
आक्रमणमा परी ६ जना घाइते हुँदा एक जना सम्पर्कवीहिन भएका थिए ।
