नेपाल सुपर लिगमा पोखरा शीर्ष स्थानमा उक्लियो
-आस्था न्युज
मंसिर २१, २०८० काठमाडौं ।
नेपाल सुपर लिग (एनएसएल) मा पोखरा थन्डर्स शीर्ष स्थानमा उक्लिएको छ ।
बुधवार साँझ भएको खेलमा स्पोर्टिङ इलामलाई १–० गोल अन्तरले पराजित गर्दै पोखरा तालिकाको शीर्ष स्थानमा उक्लिएको हो ।
दशरथ रंगशालामा भएको खेलमा पोखरालाई जिताउनका लागि सञ्जीव विष्टले गरेको एकमात्र गोल नै निर्णायक बन्न पुग्यो ।
पहिलो हाफ गोलरहित बराबरीमा सकिएको खेलमा इलामले ४७ औं मिनेटमा निर्णायक गोल गरेको थियो ।
पोखराका मार्की खेलाडी आयुष घलानले प्रहार गरेको कर्नर किकलाई इलामका खेलाडीले क्लियर गर्न असफल भएका थिए ।
उक्त बललाई सञ्जीवले सहजै गोलमा परिणत गर्दै १-० को अग्रता दिलाए । सोही अग्रता अन्तिम समयसम्म कायम राख्दै पोखराले स्पष्ट ३ अंक लिन सफल भयो ।
सोही ३ अंक तालिकामा थप गर्दै पोखरा शीर्ष स्थानमा उक्लिदा यसअघि शीर्ष स्थानमा रहेको धनगढी एफसी भने दोस्रो स्थानमा झरेको छ ।
पोखराले ४ खेल खेल्दा २ मा जित र २ मा बराबरी गरेको हो । धनगढीले भने अहिलेसम्म ३ खेल खेल्दा २ मा जित र एकमा बराबरीका साथ ७ अंक बनाएको छ ।
पराजित भएको इलाम ४ खेलबाट ३ अंकका साथ तालिकाको छैटौं स्थानमा छ । इलामले एक खेलमा जित निकाल्दा ३ खेलमा पराजय भोगेको छ ।
