नेपाल सुपर लिगमा आज वीरगञ्ज युनाइटेड र झापा एफसीबीच प्रतिस्पर्धा
-आस्था न्युज
मंसिर २२, २०८० काठमाडौं ।
नेपाल सुपर लिग (एनएसएल)मा आज वीरगञ्ज युनाइटेड र झापा एफसीबीच प्रतिस्पर्धा हुँदैछ ।
त्रिपुरेश्वरस्थित दशरथ रंगशालामा हुने खेल साँझ ५ बजे सुरु हुनेछ ।
दुवै टिम पहिलो जितको खोजीमा हुनेछन् । दुवै टिमले प्रतियोगितामा यसअघि तीन÷तीन खेल खेले पनि जित निकाल्न सकेका छैनन् ।
एक अंक जोडेको वीरगञ्ज तालिकाको पुछारमा छ । तीन खेलबाट दुई अंक जोडेको झापा तालिकाको आठौँ स्थानमा छ।
वीरगञ्जले दुई खेलमा हार बेहोर्दा एक खेलमा बराबरी खेलेको छ । यता झापाले तीन खेलमध्ये दुईमा बराबरी र एक खेलमा हार बेहोरेको छ ।
