कोपा इटालिया फुटबलमा युभेन्टस सेमिफाइनलमा
-आस्था न्यूज
पुस २७, २०८० काठमाडौं ।
युभेन्टस कोपा इटालिया फुटबलमा युभेन्टस सेमिफाइनलमा प्रवेश गरेको छ ।
बिहीबार राति फ्रोसिनोनलाई ४–० गोल अन्तरले पराजित गर्दै युभेन्टसले अन्तिम चारमा स्थान पक्का गरेको हो ।
पहिलो हाफमा २ गोल गरेको युभेन्टसले दोस्रो हाफमा अरु २ गोल थपेको थियो ।
युभेन्टसका अर्कादिउज क्रिस्टियन मिलिकले ह्याट्रिक गर्दा केनन एल्दिजले १ गोल थपेका थिए ।
मिलिकले ११ औं मिनेटमा पेनाल्टीमार्फत गोल गर्दै अग्रता दिलाए । ३८ औं मिनेटमा उनैले व्यक्तिगत दोस्रो गोल गर्दा युभेन्टस पहिलो हाफमा २–० को अवस्थामा पुगेको थियो ।
४८ औं मिनेटमा मिलिकले ह्याट्रिक पूरा गर्दा ३–० ले अघि बढ्यो । ६१ औं मिनेटमा एल्दिजे गोल गरेपछि युभेन्टस ४–० को सहज जितका साथ सेमिफाइनलमा प्रवेश गर्न सफल भयो ।
युभेन्टसले सेमिफाइनलमा स्थान पक्का गरेसँगै चार टिमकै टुंगो लागेको छ । कोपा इटालियाको सेमिफाइनलमा फोरिन्टना र एटलान्टा भिड्दा युभेन्टस र लाजियो आमने सामने हुने छन् ।
