साहित्यकार राजाराम बर्तौलाको नयाँ कृति ‘भ्रमित सत्य’को लोकार्पण भएको छ ।
काठमाडौंको बागबजारमा शुक्रबार आयोजित एक कार्यक्रममा डा. सुरेन्द्र केसी र डा.तुलसी भट्टराईले बर्तौलाको नयाँ कृतिको लोकार्पण गरेका हुन् ।
कार्यक्रममा बोल्दै डा.केसीले ‘भ्रमित सत्य’ कविता संग्रहमा रहेका कविताहरुले बर्तमान समयलाई चित्रित गरेको बताए । डा. भट्टराईले साहित्यको बिकासमा बर्तौलाको योगदानबारे चर्चा गरे । उनले संग्रहमा रहेका कविताहरुले कविता लेखनको स्तरीयतालाई मर्न नदिएको बताए ।
साहित्यकार बर्तौलाका ‘मेरो पाइला’ संस्मरण र ‘अल्छी ढुङ्गो’ निबन्ध संग्रह प्रकाशित भइसकेका छन् । नेपाल सरकारको परराष्ट्र सेवाबाट सात बर्ष अगाडि सेवा निबृत्त भएपछि बर्तौला साहित्य सिर्जनामा क्रियाशील छन् ।
