शनिबार उच्च पहाडी तथा हिमाली भू–भागका केही स्थानमा सामान्य हिमपातको सम्भावना रहेको छ।
मौसम पूर्वानुमान महाशाखाले कोशी, गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भू-भागका केही ठाउँमा हल्का हिमपातको सम्भावना रहेको जनाएको हो।
महाशाखाका अनुसार यसबाहेक अन्य स्थानमा भने मौसम सफा रहनेछ। यद्यपि तराईका अधिकांश स्थानहरूमा हुस्सुरकुहिरो लाग्ने सम्भावना भने उत्तिकै छ।
महाशाखाले हुस्सुबाट तराईको दैनिक जनजीवन, स्वास्थ्य, यातायात तथा हवाई यातायातमा प्रभाव पर्न सक्ने भएकाले त्यसको असर र चिसोबाट जोगिनका लागि सतर्कता अपनाउन अनुरोध गरेको छ।
