मोरङको लेटाङमा आइतबार भएको मोटरसाइकल दुर्घटनामा एकजनाको मृत्यु भएको छ ।
लेटाङ नगरपालिका–५ खेरुवामा को १८ प ६२८२ नम्बर मोटरसाइकल दुर्घटना पछाडि सवार १८ वर्षीय जेनिस राईको मृत्यु भएको मोरङ प्रहरीका प्रवक्ता डिएसपी रञ्जनकुमार दाहालले जानकारी दिए ।
मोटरसाइकल चालक लेटाङ–५ का २९ वर्षीय विजय मगर घाइते भएका छन् । उनलाई उपचारका लागि न्युरो अस्पताल विराटनगर ल्याइएको छ ।
उक्त मोटरसाइकलमा तीनजना सवार रहेको प्रहरीले जनाएको छ । तेस्रो व्यक्ति घटनालगत्तै फरार छन् । उनको पहिचान खुलेको छैन ।
