प्रधानमन्त्री कपः सुदूरपश्चिम प्रदेशको फराकिलो जित
-आस्था न्यूज
माघ १०, २०८० काठमाडौं ।
प्रधानमन्त्री कप एक दिवसीय क्रिकेट प्रतियोगितामा सुदूरपश्चिम प्रदेश दोस्रो स्थानमा उक्लिएको छ ।
त्रिवि क्रिकेट मैदान कीर्तिपुरमा बुधबार भएको खेलमा कोशी प्रदेशलाई ८ विकेटले गर्दै सुदूरपश्चिम प्रदेश दोस्रो स्थानमा उक्लिएको हो । कोशी प्रदेशको लगातार आठौं हार हो ।
कोशी प्रदेशले पहिला ब्याटिङ गर्दै ३२ ओभरमा सवै विकेट गुमाएर १२३ रन बनाएको थियो ।
१२४ रनको लक्ष्यसहित मैदान उत्रिएको सुदूरपश्चिम प्रदेशले २१.२ ओभरमा २ विकेट गुमाएर लक्ष्य भेट्टाउन सफल भयो ।
पहिले ब्याटिङ गर्दा कोशीका मिनास थापाल २६ रन बनाउँदा कप्तान अंकित सुवेदीले २२ रन जोडे । यसैगरी कमल खत्रीले १८ तथा फिर्दोश अन्सारीले १३ रन बनाए । सुदूरपश्चिम प्रदेशका शेर मल्लले ५ तथा विकास अग्रीले ४ विकेट लिए ।
१२४ रनको सामान्य लक्ष्य पछ्याएको सुदूरपश्चिमलाई जिताउन नरेन भट्टले नटआउट ५४ रनको अर्धशतकीय पारि खेल्दा प्रकाश पाण्डेले नटआउट ३४ रनको योगदान गरे ।
कप्तान राजु रिजाल २१ तथा खडक बोहोरा ९ रनमा आउट भएका थिए । कोशीका फिर्दोश अन्सारीले दुवै विकेट लिए ।
