अघिल्ला ६ कारोबार दिनसम्म घटेको सेयरबजारमा बिहीबार थप चार अङ्कको गिरावट आएको छ । २२०० विन्दु छोएपछि बजारले लगातार ओरालो यात्रा समाएको हो । बजारसँगै कारोबारमा लगातार गिरावट आउँदै गरेकोमा बिहीबार कारोबार भने सम्हालिएको छ ।
बुधबार १०.२५ अङ्कले घटेर बन्द भएको सेयरबजार आज थप ३.९४ अङ्कले घटेर २०८४.०९ विन्दुमा बन्द भएको हो । अघिल्लो कारोबारको दिन कुल ३ अर्ब ८९ करोड ७० लाख २२ हजार पाँच सय ९८ रुपैयाँ बराबरको कारोबार भएकोमा आज कारोबार रकम घटेर ३ अर्ब ७६ करोड ४५ लाख ५ हजार पाँच सय ५० रुपैयाँ पुगेको छ । बजार घट्दा आज कारोबार रकममा पनि गिरावट भएको हो ।
आज सर्वाधिक कमाउने कम्पनीहरुमा साम्लिङ पावर, इन्फिनिटी लघुवित्त र मिडसोलु हाइड्रो रहे । ती कम्पनीको सेयर मूल्य ८ प्रतिशत भन्दा बढीले वृद्धि भयो । बुधबार सर्वाधिक गुमाउनेमा तेह्रथुम पावर, धौलागिरी लघुवित्त र माहुली लघुवित्त रहे । उक्त कम्पनीहरुको सेयरमूल्य ४ प्रतिशत भन्दा बढीले घट्यो ।
