फिल्म ‘दुःखी आत्मा’मा दयाहाङको जोडी आँचल शर्मा अनुबन्धित
-आस्था न्यूज
माघ १५, २०८० काठमाडौं ।
फिल्म ‘दुःखी आत्मा’मा अभिनेत्री आँचल शर्मा अनुबन्धित भएकी छन् ।
क्लक वर्क क्रिएसनको व्यानरमा बन्न लागेको यो फिल्ममा आँचल अनुबन्धित भएकी हुन् । फिल्ममा दीपेन्द्र लामाको निर्देशन रहनेछ ।
हिमाल कडरिया निर्माता रहेको फिल्ममा यसअघि नै दयाहाङ राई अनुबन्धित भइसकेका छन् ।
निर्देशक दीपेन्द्र र निर्माता हिमालले यसअघि निर्माण गरेको फिल्म ‘नाङ्गो गाउँ’ हिट भएको थियो ।
यही टिमले तेश्रो सहकार्य स्वरुप ‘नाङ्गो गाउँ-२’ निर्माण गर्ने घोषणा गरिसकेको छ ।
आगामी चैत्रमा छायाङ्कनमा जाने फिल्मका हाल स्क्रिप्ट लेखनको काम अन्तिम चरणमा छ ।
निर्देशक लामाले फिल्मका अन्य कलाकार तथा प्राविधिक चयनको काम केही समयमा गरिनेन बताए ।
काठमाडौंको सेरोफेरोमा खिचिने सामाजिक कमेडी जनराको फिल्मका वितरण आरआर फिल्मस्ले गर्नेछ ।
