अघिल्ला तीन दिनसम्म लगातार बढेको सेयरबजारमा बुधबार दोहोरो अङ्कको गिरावट आएको छ । आइतबार २०७५ विन्दुबाट बढ्न थालेको सेयरबजार २१३० अङ्कसम्म बढेको थियो ।
बुधबार १४.८८ अङ्कले बढेर बन्द भएको सेयरबजार आज भने २१.६७ अङ्कले घटेर २०९७.९३ विन्दुमा बन्द भएको हो । अघिल्लो कारोबारको दिन कुल ५ अर्ब ५४ करोड ४२ लाख १७ हजार ५ सय ९३ रुपैयाँ बराबरको कारोबार भएकोमा आज कारोबार रकम घटेर ५ अर्ब २९ करोड ५६ लाख ५ हजार ५७ रुपैयाँ पुगेको छ । बजार घट्दा आज कारोबार रकममा पनि गिरावट भएको हो ।
आज सर्वाधिक कमाउने कम्पनीहरुमा साम्लिङ पावर, मन्दकिनी हाइड्रो र पिपल्स पावर रहे । ती कम्पनीको सेयर मूल्य ७ प्रतिशत भन्दा बढीले वृद्धि भयो । मङ्गलबार सर्वाधिक गुमाउनेमा अप्पर स्यांगे हाइड्रो, मेन्छियाम हाइड्रो र स्वाभिमान लघुवित्त रहे । उक्त कम्पनीहरुको सेयरमूल्य ५ प्रतिशत भन्दा बढीले घट्यो ।
