भ्याली पब्लिक बास्केटबल भोलिदेखि
-आस्था न्यूज
माघ १७, २०८० काठमाडौं ।
भ्याली पब्लिक स्कुलको आयोजनामा हुने १६ औं भ्याली पब्लिक अन्तरविद्यालय बास्केटबल प्रतियोगिता बिहीबारदेखि सुरु हुने भएको छ ।
विभिन्न तीन विधामा खेलाइने खेलमा ७५ टोलीको सहभागि रहने बुधबार बुधबार आयोजित पत्रकार सम्मेलनमा भ्याली पब्लिकका संस्थापक प्रिन्सिपल कृष्णप्रसाद अधिकारीले जानकारी गराए ।
सिनियर ब्वाइजमा २०, सिनियर गल्र्समा २४ र जुनियर ब्वाइजमा ३१ टिमले भाग लिने छन् ।
यो संस्करणदेखि विजेता र उपविजेता टिमलाई नगद पुरस्कार पनि प्रदान गरिने भएको छ । विजेताले २० हजार तथा उपविजेताले १० हजार नगद पुरस्कार प्राप्त गर्ने छन् ।
प्रतियोगिता सञ्चालन गर्न करिब ६ लाख रुपैयाँ खर्च हुने भ्याली पब्लिकका प्रशासन विभाग प्रमुख महेश अधिकारीले बताए ।
माघ २६ गतेसम्म चल्ने प्रतियोगिताका खेलहरु भंगालस्थित आयोजकको कोर्टमा खेलाइने छ ।
