शिक्षालाई वैज्ञानीकिकरण र आधुनीकिकरण गरौं: ज्ञानेन्द्र शाही
-आस्था न्यूज
माघ १९, २०८० काठमाडौं ।
राष्ट्रिय प्रजातन्त्र पार्टीका प्रमुख सचेतक ज्ञानेन्द्र शाहीले नेपालको शिक्षा प्रणालीलाई परिवर्तन गर्ने विधेयक संशोधनका लागि प्रस्ताव अगाडि बढाउने बताएका छन् ।
शुक्रबार राष्ट्रिय प्रजातान्त्रिक विद्यार्थी संगठनको उपत्यका स्तरीय भेलालाई सम्बोधन गर्ने क्रममा उनले इतिहास र धरोहर मासिदै गएको भन्दै शिक्षालाई वैज्ञानीकिकरण र आधुनीकिकरण गर्दै शिक्षालाई परिवर्तन गर्ने प्रयासमा रहेको बताए ।
उनले भने, ‘अहिलेको हाम्रो शिक्षा काम लाग्ने छैन् । हामी शिक्षालाई वैज्ञानीकिकरण र आधुनीकिकरण गर्छौ । हरेक विद्यार्थीले पढे भनेपछि काम अनिवार्य गर्न पाउने नीति ल्याएर शिक्षालाई परिवर्तन गर्ने विधेयक संशोधनका लागि प्रस्ताव अगाडि बढाउछौं । आज हाम्रो इतिहास, धरोहर मासिएको छ, त्यसकारण शिक्षामा आमूल परिवर्तन गर्नुपर्ने भएको छ । ’
उनले नेपालमा मेडिकल शिक्षामा रुपान्तरण गर्नुपर्ने भन्दै यसका लागि कलेज खोल्न अगाडि बढ्नुपर्ने बताए । उनले भने, ‘राजनीतिभन्दा ठूलो कर्म हो, कर्म गरे राजनीति आफैं हुन्छ । अब विद्यालय सुधार ऐन आउँदैँछ । यसमा पहिलो कुरा नेपाललाई मेडिकल हब बनाउनुपर्छ । भारत, बङ्गलादेश, पाकिस्तान, चीनलगायतका विद्यार्थीले समेत नेपालमा मेडिकल पढ्न पाउनु पर्छ । यसका लागि मेडिकल कलेज खोल्न अगाडि बढ्नु पर्छ ।’
