बुधबार सुनको मूल्य बढ्दा चाँदीको भाउ भने स्थिर रहेको छ । आज सुन प्रति तोला ६ सय रुपैयाँले बढेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रति तोला एक लाख १८ हजार ६ सय रुपैयाँमा कारोबार भइरहेको छ । यसैगरी तेजाबी सुन प्रति तोला एक लाख १८ हजार ५० रुपैयाँमा कारोबार भइरहेको छ । अघिल्लो तीन दिनमै प्रति तोला १५ सय रुपैयाँले घटेको सुनको भाउ आज भने उकालो लागेको हो ।
आज चाँदी प्रति तोला एक हजार तीन सय ७५ रुपैयाँमा कारोबार भइरहेको छ ।
