तेह्रौँ पुष्पलाल स्मृति राष्ट्रिय ब्याडमिन्टन सुरु
-आस्था न्यूज
फागुन १४, २०८० काठमाडौं ।
नेपाल कम्युनिस्ट पार्टीका संस्थापक पुष्पलालको स्मृतिमा नेकपा एमाले भातृ संस्था नेपाल खेलकुद महासङ्घ अन्तरगत रहेको राष्ट्रिय ब्याडमिन्टन सङ्घ, नेपाको आयोजनामा तेह्रौँ पुष्पलाल स्मृति राष्ट्रिय ¥याङ्किङ्ग ब्याडमिन्टन प्रतियोगिता सुरु भएको छ ।
सोमबार काठमाडौंको चन्द्रागिरिस्थित महाँकाल ब्याडमिन्टन क्लबको कभर्डहलमा ब्याडमिन्टन प्रतियोगिता सुरु भएको हो ।
प्रतियोगिताको चन्द्रागिरि नगरपालिकाका प्रमुख घनश्याम गिरीले एक कार्यक्रम बिच उद्घाटन गरे । प्रतियोगितालाई खेल सामाग्री उत्पादक ली–निङ्गले प्रायोजन गरेको छ ।
कार्यक्रममा पूर्व मन्त्री कर्ण बहादुर थापा, नगपालिका उपप्रमुख बसन्ती श्रेष्ठ, नेपाल ब्याडमिन्टन सङ्घका अध्यक्ष रामजी बहादुर श्रेष्ठ लगायत पदाधिकारीहरूको उपस्थिति रहेको थियो ।
