बुद्धनगरस्थित रोजवडमा आर्ट्स एग्जीबिसन
-आस्था न्यूज
फागुन २५, २०८० काठमाडौं ।
बुद्धनगरस्थित रोजवड स्कुलमा ‘तेस्रो रोजवड आर्ट्स एग्जीबिसन’ सम्पन्न भएको छ । रोजवड स्कुलले नेपाल आर्ट काउन्सिल बबरमहलमा आर्ट्स एक्जिविसन गरेको हो । फाल्गुन २० देखि २४ गतेसम्म चलेको प्रदर्शनीमा कलाकारहरु, विदेशीहरु र अभिभावकहरुले अवलोकन गरेका थिए ।
प्रदर्शनीमा कक्षा १ देखि १२ सम्म अध्ययनरत विद्यार्थीहरुले बनाएको कलाहरु प्रदर्शनमा राखिएको थियो । मण्डला लिप्पन आर्ट, अफ्रिकन आर्ट र हस्तकला सम्बन्धी कला समेटिएको प्रदर्शनी बिहान १० बजेदेखि साँझ ४ बजे सम्म पाँच दिन चलेको थियो ।
आर्ट्स शिक्षिका पुष्पान्जली थापा लगायत अन्य दुई शिक्षकले विद्यार्थीहरुलाई लामो समयदेखि रोजवडमा आर्ट सिकाइरहेका छन् ।
