सेयरबजारमा दोहोरो अङ्कको गिरावट
-आस्था न्यूज
चैत १, २०८० काठमाडौं ।
सेयरबजारमा बिहीबार दोहोरो अङ्कको गिरावट आएको छ । अर्थमन्त्रीमा वर्षमान पुनको नियुक्ति भएपछि केही समयसम्म बढेको सेयरबजार करेक्सनको मूडमा देखिएको छ ।
बुधबार २.४८ अङ्कले बढेको सेयरबजार आज थप २७.८४ अङ्कले घटेर २०८०.८७ विन्दुमा बन्द भएको छ । अघिल्लो कारोबारको दिन कुल ४ अर्ब २४ करोड ८५ लाख ३२ हजार ३ सय ४७ रुपैयाँ बराबरको कारोबार भएकोमा आज कारोबार रकम घटेर ३ अर्ब ९४ करोड ३५ लाख ९२ हजार ३ सय २ रुपैयाँ पुगेको छ । आज बजार घट्दा कारोबार रकममा पनि सामान्य गिरावट भएको हो ।
आज सर्वाधिक कमाउने कम्पनीहरुमा विन लघुवित्त, मानुषी लघुवित्त र गुराँस लघुवित्त कम्पनी रहे । ती कम्पनीको सेयर मूल्य १० प्रतिशत कै हाराहारीमा वृद्धि भयो । मङ्गलबार सर्वाधिक गुमाउनेमा स्वाभिमान लघुवित्त, जाल्पा लघुवित्त, धौलागिरी लघुवित्त, एलआइसिएन र एनआईसी लघुवित्त र जनउत्थान लघुवित्त रहे । ती कम्पनीको सेयरमूल्य ५ प्रतिशत भन्दा बढीले घट्यो ।
