उदयपुरको त्रियुगा नगरपालिका-१४ स्थित सुनकोशीमा बेपत्ता भएका बालबालिका खोज्न सशस्त्र प्रहरीको गोताखोर परिचालन गरिएको छ । आइतबार होली खेलेपछि नदीमा पौडी खेल्न गएका ३ जना बालबालिका बेपत्ता भएका हुन् ।
त्रियुगा नगरपालिका स्थित ढाप्लाङ्गबाट हराएका बालबालिका खोज्न कोशी प्रदेश स्थित १ नम्बर बराहा बाहिनी मुख्यालयबाट गोताखोर परिचालन गरिएको सशस्त्र प्रहरीका सह प्रवक्ता शैलेन्द्र थापाले बताए । आइतबार साँझ सशस्त्र प्रहरी बल नम्बर ५ गण त्रियुगाको टोलीले खोजतलास गरेको थियो ।
अहिले सशस्त्र प्रहरीका इन्स्पेक्टर उमेश काफ्लेको कमान्डमा ९ जना गोताखोर परिचालन गरिएको छ ।
