१९ इन्स्पेक्टर डिएसपीमा बढुवा
-आस्था न्यूज
चैत २२, २०८० काठमाडौं ।
नेपाल प्रहरी प्रधान कार्यालयले १९ जना प्रहरी निरीक्षक (इन्स्पेक्टर) लाई प्रहरी नायब उपरीक्षक (डिएसपी)मा बढुवा गरेको छ ।
बढुवा समितिको हिजो बसेको बैठकको निर्णयअनुसार नेपाल प्रहरी जनपद प्रहरी समूहतर्फका १९ प्रहरी निरीक्षकलाई सोही समूहतर्फको प्रहरी नायव उपरीक्षक पदमा बढुवा गरेको हो ।
बढुवा हुनेमा बढुवा हुनेमा निर्मल पनेरु (काठमाडौँ उपत्यका अपराध अनुसन्धान कार्यालय परिचालन कक्ष), ऋषिराम घर्तीमगर इलाका प्रहरी कार्यालय ठाडादह, अर्घाखाँची, दिपक मल्ल (ट्राफिक प्रहरी कार्यालय कैलाली) छन् ।
यस्तै, नवीन पौडेल काठमाडौँ उपत्यका अपराध अनुसन्धान कार्यालय पिल ६ सूचना संकलन, विश्लेषण र अभिलेख व्यवस्थापन, योगेन्द्र तिमिल्सिना लागू औषध नियन्त्रण ब्यूरो सूचना संकलन तथा सुराकी शाखा कोटेश्वर, गुणराज बुढाथोकी अपराध अनुसन्धान विद्यालय तालिम शाखा महाराजगन्ज लगायतको डिएसपीमा बढुवा भएको हो ।
