आज फेरि सुनको मूल्यमा उच्च रेकर्ड कायम
-आस्था न्यूज
वैशाख १४, २०८१ काठमाडौं ।
तोलामा १ लाख ३९ हजार ३ सय रुपैयाँको उच्च रेकर्ड राखेको सुनको मूल्य यसै साता घटेर १ लाख ३५ हजार ५ सय रुपैयाँमा झर्यो । यो साता सुनको मूल्यमा प्रतितोला ३ हजार ८ सय रुपैयाँको गिरावट आयो ।
तर यो साताको अन्तिम कारोबारका दिन शुक्रबार (आज वैशाख १४ गते) सुनको मूल्य १ लाख ३७ हजार २ सय रुपैयाँ कायम भएको छ । शुक्रबार सुनको मूल्य प्रतितोला १४ सय रुपैयाँले बढेको हो । बिहीबार छापावाला सुन प्रतितोला १ लाख ३५ हजार ८ सय रुपैयाँमा कारोबार भएको थियो ।
यसैगरी तेजावी सुनको मूल्य पनि आज तोलामा १४ सय रुपैयाँले नै बढ्दै १ लाख ३६ हजार ५ सय ५० रुपैयाँमा कारोबार भइरेको नेपाल सुनचाँदी व्यवसायी महासंघले जनाएको छ । यता चाँदीको मूल्य भने आज तोलामा २० रुपैयाँले बढ्दै १ हजार ६ सय ७५ रुपैयाँ पुगेको छ । अघिल्लो दिन चाँदी प्रतितोला १ हजार ६ सय ५५ रुपैयाँमा करोबार भएको थियो ।
