प्रतिनिधिसभाको शुक्रबारको दोस्रो बैठक पनि नेपाली कांग्रेसले अवरोध गरेको छ । सभामुख देवराज घिमिरेले दोस्रो बैठक सुरु भएको घोषणा गर्ने बित्तिकै कांग्रेस सांसदहरू उठेर नारवाजीसहित बेल घेराउमा उत्रेका थिए । सभामुखले विरोधका बिच उपप्रधान तथा गृहमन्त्री रवि लामिछानेले बोल्न समय माग गरेको जनाकारी गराएका थिए ।
तर कांग्रेस सांसदहरुले सहकारी पीडितलाई न्याय दिनुपर्ने, संसदीय मर्यादा कायम गर्नुपर्ने, समिति गठन गर्नुपर्ने लगायतका नारा लगाइरहे ।
