एनआईसी एशिया बैंक र क्यापिटलमा निःशुल्क डिम्याट खाता खोल्न सकिने
-आस्था न्यूज
जेठ १, २०८१ काठमाडौं ।
एनआईसी एशिया बैङ्क र एनआईसी एशिया क्यापिटलमा अब निःशुल्क डिम्याट खाता खोलिदिने र पहिलो वर्षको डिम्याट खाता संचालन शुल्कमा छुट दिने व्यवस्था गरेको छ । २०८१ साल, जेठ १ गतेदेखि २०८१ साल आषाढ मसान्तसम्म निःशुल्क रुपमा डिम्याट खाता खोलिदिने र पहिलो वर्षको डिम्याट खाता संचालन शुल्कमा छुट दिने व्यवस्था मिलाइएको हो ।
‘एक नेपाली, एक डिम्याट खाता’ अभियानमार्फत देशको दुरदराजमा बसोबास गर्ने नेपालीहरूमा डिम्याट खाताको पहुँच विस्तार गर्ने मूख्य उद्देश्यले एनआईसी एशिया बैङ्क र एनआईसी एशिया क्यापिटलले उक्त योजना ल्याएको हो । एनआईसी एशिया क्यापिटल, क्यापिटलको शाखा कार्यालयहरू, एनआईसी एशिया अनलाइन डिम्याट सेवा र एन आई सी एशिया बैङ्कको सम्पूर्ण शाखा कार्यालयहरूमा यो सेवा उपलब्ध रहेको छ ।
एनआईसी एशिया क्यापिटलले विगत लामो समयदेखि ‘एक नेपाली, एक डिम्याट खाता’ अभियान सञ्चालन गरी एनआईसी एशिया बैङ्कको सम्पूर्ण शाखा कार्यालयहरूबाट निक्षेप सदस्य अन्तर्गतका सेवाहरू प्रदान गर्दै आइरहेको छ ।
एन आई सी एशिया क्यापिटलले पछिल्लो समयमा आफ्नो सेवाहरुलाई प्रविधिको प्रयोग गरी आम सर्वसाधारणहरुलाई क्यापिटलको सेवा “लाईनमा होईन अनलाइन” मा भन्ने नारा सहित सेवाहरु अनलाईन मार्फत लिन मिल्ने व्यवस्था मिलाइएको छ ।
