हावाहुरीसहित वर्षात हुँदा केहीबेर रोकिएको हवाइ उडान सुरु भएको छ । मंगलबार बिहान काठमाडौं उपत्यकासहित बागमती, गण्डकी र मधेशमा मेघगर्जन, चट्याङ र हावाहुरीसहित वर्षा भएको थियो ।
हावाहुरीसहित भएको वर्षातले भिजिबिलिटी कम हुँदा केहीबेर उडान समेत प्रभावित भएको थियो । अहिले भिजिबिलिटी खुलेपछि उडान पनि सुरु भएको , मौसम पूर्वानुमान महाशाखाका मौसमविद् मिनकुमार अर्यालले बताए ।
यद्यपि, मेघ गर्जनसहित हावाहुरी गराउने प्रणाली उत्तरपूर्वी भूभागतिर सर्ने क्रममा हुँदा सर्तक रहन मौसम पूर्वानुमान महाशाखाले सूचना जारी गरेको छ । नवलपरासीमा हावाहुरीले ढालेको रुखले च्यापिएर एकजनाको मृत्यु भएको छ । मृत्यु हुनेमा मध्यविन्दु नगरपालिका– १२ का ६९ वर्षीय चित्रबहादुर थापा छन् ।
