स्थानीय र सबै दलको दबाबले गिरीबन्धु टी स्टेटको बगान सार्न खोजिएको दाबी
-आस्था न्यूज
जेठ ३०, २०८ १ काठमाडौं ।
झापामा रहेको गिरीबन्धु टी स्टेट प्रालिले पछिल्ला प्रकरणको विषयमा ७ बुँदे प्रष्टीकरण जारी गर्दै स्थानीय जनताको दबाबले बगान सार्न खोजिएको बताएको छ । बुधबार पत्रकार सम्मेलन गरी गिरीबन्धु टी स्टेटले बगान सार्न सबै दलको सहमति भएको समेत दाबी गरेको छ ।
टी स्टेटले बिर्तामोड बजारको तीव्र विकास र विस्तार चिया बगान क्षेत्रमा फोहोर मैला फाल्ने भएको, चियाका बुट्टाहरु काटी दाउराको रुपमा लैजाने गरेको, आत्मा हत्याको प्रकरण हुने गरेकोजस्ता समस्याका कारण सबै दलको सहमतिमा बगान सार्न खोजिएको जनाएको छ ।
‘उल्लेखित अवस्था र परिस्थितिको कारण त्यस क्षेत्रबाट चिया बगान हटाउन निरन्तर जन दबाब आएको र स्थानीय जनतासँग राजनितीक दलका स्थानीय प्रतिनिधिहरू समेतको रोहबरमा छलफल हुँदा चिया बगान कायम राख्न तीव्र विरोध आएको कारण उक्त क्षेत्रबाट चिया बगान हटाउनु नै उपयुक्त हुने टुङ्गोमा पुगेर नै उपयुक्त ठाउँमा चिया बगानको ब्यवस्था गर्ने गरी, जग्गा सट्टा/पट्टाको लागी निवेदन गरिएको हो’, विज्ञप्तिमा उल्ले छ ।
गिरीबन्धु टी स्टेटले विभिन्न अफवाह, भ्रम र राजनीतिक खिचातानीको विषय नबनाइदिन पनि अनुरोध गरेको छ ।
