काभ्रेको पाँचखालमा स्विमिङ पुलमा डुबेर एकजना पुरुषको मृत्यु भएको छ।
आइतबार पाँचखाल नगरपालिका ७ शिखरपुरमा रहेको ह्वाइट बार रिसोर्टमा रहेको स्विमिङ पुलमा पौडी खेल्ने क्रममा सोही ठाउँका ५२ वर्षीय उद्धब सापकोटाको मृत्यु भएको हो।
जिल्ला प्रहरी कार्यालय काभ्रेका अनुसार पौडी खेल्ने क्रममा डुबेर गम्भीर बिरामी परेका सापकोटालाई उपचारको लागि आफन्तले धुलिखेल अस्पताल पुर्याएका थिए।
अस्पताल पुर्याउनासाथ चिकित्सकले उनलाई मृत घोषणा गरेका प्रहरीले जनाएको छ।
