गायिका अस्मिता अधिकारी र गायक महेश काफ्लेले लेईंगेजमेन्ट गरेका छन्। लामो समयदेखि उनीहरुबीच प्रेम सम्बन्धको गाईंगुईं चल्दै आएतापनि दुवैले सार्वजनिक स्वीकारोक्ति गरेका थिएनन् ।
अस्मिता र महेशले दुबईको प्रख्यात बुर्ज खलिफा नजिक रहेको विङ्स अफ मेक्सिकोमा मंगलबार औंठी साटासाट गरेका हुन् ।
अन्तर्राष्ट्रिय कलाकार समाज (ईनास) आबुधावी क्षेत्रीय समितिले आयोजना गरेको सांस्कृतिक कार्यक्रमका लागि उनीहरु केही दिनअघि दुबई पुगेका थिए । त्यहा पुगेर ईंगेजमेन्ट गर्ने पूर्वतयारी थियो ।
मंगलबार ईंगेजमेन्ट र फोटोसुट गरेका उनीहरुले आज सामाजिक सञ्जालमा तस्बिर पोस्ट गरेपछि ‘कपल’ का रुपमा खुलेर दुबई घुम्दै गरेका तस्वीर सार्वजनिक गरिरहेका छन् ।
