चालु आर्थिक वर्ष सकिन १ दिन बाँकी रहदा १० खर्ब १६ अर्ब राजस्व संकलन
-आस्था न्यूज
असार ३०, २०८१ काठमाडौं ।
चालु आर्थिक वर्ष सकिन अब १ दिन मात्रै बाँकी रहेको भए पनि अपेक्षितरूपमा राजस्व संकलन हुन सकेको छैन्।
सरकारको दैनिक हिसाब–किताब राख्ने महालेखा नियन्त्रक कार्यालयका अनुसार हालसम्म कूल १० खर्ब १६ अर्ब रुपैयाँ राजस्व संकलन गरेको छ । कार्यालयका अनुसार सरकारले चालू आवको बजेटमा १४ खर्ब २२ अर्ब रुपैयाँ राजस्व संकलन गर्ने लक्ष्य राखेको थियो । यो शनिबार मात्रै २० अर्ब ३८ करोड रुपैयाँ राजस्व संकलन भएको कार्यालयको तथ्यांक छ । शुक्रबार १० खर्ब १४ अर्ब रुपैयाँ राजस्व संकलन भएको थियो ।
कर उठाउनकै लागि नेपाल राष्ट्र बैंकको निर्देशनमा बैंक तथा वित्तीय संस्थाले शनिबार सार्वजनिक विदाको दिन पनि शाखा कार्यालयहरु खुला राखेपनी लक्ष्यसम्म पुग्न सरकार असफल भएको छ ।
त्यस्तै,सरकारले चालू पूँजीतर्फको सम्पूर्ण खाता अघिल्लो साताबाट बन्द गरिसकेको छ । हालसम्म ६०.८६ प्रतिशत पूँजीगत खर्च भएको छ । तर, पनि पूँजीगत खर्च भइरहेको छ । शनिबार एकैदिन १ अर्ब ४२ करोड रुपैयाँ खर्च भएको छ । हालसम्म सरकारले १ खर्ब ८३ अर्ब रुपैयाँ पूँजीगत खर्च गरेको छ । चालू आर्थिक वर्षमा सरकारले पूँजीगततर्फ ३ खर्ब ७ अर्ब रुपैयाँ खर्च गर्ने लक्ष्य राखेको थियो ।
