क्रिकेट

चैत्र ३१,२०७३

-

धनगडी -

धनगडीमा जारी डिपीयल अन्तर्गत आज भएको पहिलो खेलमा पारस खड्काको नेतृत्वमा रहेको टीम चौरहा कंचनपुर आईकोनिकसंग ११ रनले पराजित भएको छ ।

टस जितेर पहिले ब्याटिंग रोजेको कंचनपुर आईकोनिकले निर्धारित ओभरमा ६ विकेट गुमाई टीम चौरहालाई केवल १०६ रनको सामान्य लक्ष्य दिएको थियो ।

सुरुवातमै नराम्रो खेल प्रदर्शन गरेको चौरहाले १७.४ ओभर मै अलआउट रहँदा केवल ९४ रन जोड्न सक्यो ।

सुरुवातमै टिम चौरहाका राजु रिजन बिना रन बनाई आउट हुन् पुगेका थिए ।

यस्तै सौरव खनाल, सुशान भारी, ललित राजवंशी, राम नरेश गिरिले पनि कुनै रन नबनाई आउट हुन् पुगे ।

चौरहाका लागि कप्तान पारस खड्काले सर्वाधिक २३ रन जोडे ।

यस्तै अरिफ सेखले २२ तथा पृथु बास्कोटाले १९ रन बनाए ।

उत्कृस्ट बल्लिंग गरेको कंचनपुर आईकोनिकको जीतका लागि सुनिल धमलाले सर्वाधिक ३९ रन जोडे ।

सिद्धान्त लोहनी नट आउट रहदै २७ रन बनाए भने सगर पुनले २० रन जोडन सफल भए ।

उता, अतरिया र विराटनगर किंगस बिचको खेल अहिले भईरहेको छ ।

टस जितेर पहिले ब्याटिंग रोजेको अतरियाले २० ओभरमा अलआउट रहँदै  केवल ९२ रनको सामान्य लक्ष्य दिएको छ ।

विराटनगर किंगस अहिले ब्याटिंग गरिरहेको छ ।