-

वैशाख ८, काठमाडौं :

हिजो बिहीबार चलचित्र ‘जालो’को ट्रेलर सार्वजनिक गरिएको छ ।

काठमाण्डौमा पत्रकार सम्मेलनको आयोजना गर्दै गिनिज बुकमा नाम लेखाउने तयारीमा रहेको चलचित्रको ट्रेलर रिलिज गरिएको हो ।

उक्त फिल्मलाई अराज केशव फिल्मले सार्वजनिक गरेको हो ।

विश्व कीर्तिमान राख्ने दाबी गरिएको एक सटमा खिचिएको फिल्म जालो र जालो सिक्वेलको बिहिबार एक कार्यक्रम बिच ट्रेलर र पोस्टर सार्वजनिक गरियो ।

वन सटमा खिचिने विश्वकै लामो चलचित्रको रुपमा बिश्व रेकर्ड राख्ने उद्देश्यका साथ बनेको ‘जालो’ दुई घण्टामा खिचिएको भएपनि यो चलचित्रमा गीत तथा द्वन्द्व समेत छन् ।

थ्रिलर हरर जनरमा निर्माण भएको 'जालो'मा निर शाह, अनुपविक्रम शाही, रेमनदास श्रेष्ठ, मेनुका प्रधान, निराजन प्रधान, मुना गौचन लगायतका कलाकारको अभिनय छ ।  

अराज केशवको निर्देशन रहेको उक्त फिल्मलाई हरि घलेले छायाँकन गरेका हुन् ।

चलचित्र ‘जालो’ जेठ १९ गते रिलिज हुने र त्यसपछि ‘जालो रिटन्र्स’ रिलिज गर्ने तयारी यसको निर्माणपक्षले गरेको छ ।

‘नो कट, नो रिटेक’मा तयार भएको यस फिल्म जेठ १९ गतेबाट प्रदर्शनमा आएपछि मात्र रेकर्ड राख्ने नराख्ने भन्नेमा निश्चित हुनेछ । 

सार्वजनिक उक्त ट्रेलरलाई अहिले सम्ममा १ लाख ६१ हजारले हेरी भ्याएका छन् ।