शीर्ष स्थानमा रहेको चेल्सी फाइनलमा

बैशाख १०,२०७४

-

वैशाख १० -

प्रिमियर लिगको उपाधि होडमा रहेका चेल्सी र टट्नहाम हर्टस्पर बिच हिजो भएको सेमिफाइनल खेलमा, टट्नहामलाई ४-२ ले पराजित गर्दै प्रिमियर लिगको शीर्ष स्थानमा रहेको चेल्सी एफए कपको फाइनलमा प्रवेश गरेको छ ।

वेमब्ले स्टेडीयममा गय राति भएको खेलमा बराबरीको स्थिति रहेको खेललाई जितमा बदल्न चेल्सीका एडेन हाजार्ड र नेमान्जा माटिकले अन्तिम १५ मिनेट भित्र गोल गरे ।

चेल्सीको जितमा विलियानले खेल सुरु भएको ५ मिनेट मै अग्रता दिलाएका थिए ।

तर, १८ मिनेटमै ह्यारी कानले गोल फर्काउदै खेललाई १–१ को बराबरीमा ल्याए ।

दोस्रो गोल चेल्सीका लागि विलियानले नै गरेका हुन् ।

टट्नहामका सन हयुङ मिनले फाउल खेलेपछि प्राप्त पेनाल्टीलाई ४३ मिनेटमा विलियानले पुनः गोलमा परिणत गरेका थिए ।

५२ औं मिनेटमा डेले अलीले टोटनहमका लागि गोल गरेपछि खेल बराबरीमा फर्कियो ।

त्यसपश्चात, ७५औं मिनेटमा हाजार्डले गोल गर्दै चेल्सीलाई ३-२ को अग्रता दिलाए भने ८० औं मिनेटमा माटिकले गोल गर्दै ४-२ को जित दिलाए ।

चेल्सीले अब उपाधिका लागि आइतबार हुने आर्सनल र म्यानचेष्टर सिटीको विजेतासँग खेल्नेछ ।

फाइनल खेल मे २७ मा हुनेछ ।