पहिलो लेगमा रोमालाई ५ – २ गोल अन्तरले हराएको लिभरपुल दोस्रो लेगमा रोमासंग ४ - २ ले पराजित भएपनि समग्रमा ७ - ६ को नतिजा निकाल्दै च्याम्पियन्स लिग फुटबलको फाइनलमा प्रवेश गरेको छ ।
रोमाको घरेलु मैदानमा भएको दोस्रो लेगको खेलमा अग्रता भने लिभरपुलले लिएको थियो । खेलको ९ औ मिनेटमा सडियो मानेले फिर्मिनोको पासमा गोल गर्दै लिभरपुललाई अग्रता दिलाए ।
तर लगतै लिभरपुलले आत्मघाती गोल खान पुग्यो र खेल १-१ को बराबरीमा आयो ।
खेलको २५ औ मिनेटमा लिभरपुलका विजनालडमले गोल गर्दै लिभरपुललाई पूर्ण अग्रता दिलाए ।
दोश्रो हाफमा भने रोमा लिभरपुलमाथि निकै हाबी देखियो ।
खेलको ५२ औ मिनेटमा रोमाका जेकोले गोल गर्दै रोमालाई खेलमा फर्काए ।
रोमाले खेलको ८६ औ र ९० औ मिनेटमा थप २ गोल गर्यो र खेल ४ - २ ले जित्यो ।
दोस्रो लेगको खेल जिते पनि समग्रमा रोमा लिभरपुलसंग ७ – ६ ले हार्यो र लिभरपुलले च्याम्पियन्स लिग फाइनलमा आफ्नो स्थान पक्का बनायो ।
अब च्याम्पियन्स लिग फाइनलमा लिभरपुल र रियल मड्रिडबीच प्रतिस्पर्धा हुनेछ । रियल यसअघि नै वायर्न म्युनिखलाई हराउँदै फाइनलमा पुगिसकेको छ ।
च्याम्पियन्स लिग फाइनल मे २७ मा युक्रेनको किभमा हुनेछ ।
