बैशाख २०,२०७५

-

२० बैशाख, २०७५

इन्डियन प्रिमियर लिग (आईपीएल) अनतर्गत हिजो दिल्ली डेयरडेविल्सले राजस्थान रोयल्सलाई ४ रनले पराजित गर्यो र आफ्नो प्लेअफ खेल्ने सम्भावना जिवितै राख्यो ।

वर्षाका कारण  १८ ओभरमा छोट्याइएको खेलमा टस हारेर पहिले व्याटिङ गरेको दिल्लीले ६ विकेटको क्ष्यतिमा १९६ रन बनायो ।

दिल्लीका लागि रिसव पन्तले सर्वाधिक ६९ रन बनाउदा कप्तान श्रेयस अईयरले ५० तथा पृथ्वी शले ४७ रनको योगदान दिए ।

राजस्थानका लागि जयदेव उनद्कतले ३ तथा धवल कुल्कर्नी, जोफ्रा आर्चर र श्रेयस गोपालले १/१ विकेट लिए  ।

जवाफी व्याटिङमा उत्रिएको राजस्थान रोयल्सले डकवर्थ लुइस नियमको आधारमा १२ ओभरमा १५१ रनको लक्ष्य पायो ।

१२ ओवरमा १५१ रनको लक्ष्य पछ्याएको राजस्थान रोयल्स १४६ रनमा समेटियो र खेल ४ रनले  दिल्लीको हातमा सुम्पियो ।

राजस्थान रोयल्सका लागि ब्याट्समेन जस बटलरले ६७ रन बनाए । २६ बल सामना गरेका उनले चार चौका र सात छक्का प्रहार गरेका थिए ।

बलिङतर्फ दिल्लीका ट्रेन्ट बोल्टले २ तथा अमित मिश्रा र ग्लेन म्याक्सवेलले १/१ विकेट लिए ।

दिल्लीले यो सिजन आईपीएलमा ९ खेल खेल्दा तीन खेलमा मात्र जित निकालेको छ ।

दिल्लीले अब प्लेअफ खेल्नका लागि बाकी रहेका सबै ५ खेल जित्नै पर्ने हुन्छ ।