बैशाख २१,२०७५

-

२१ बैशाख, २०७५

इन्डियन प्रिमियर लिग (आईपीएल) अनतर्गत  कोलकाता नाइट राइडर्सले चेन्नाई सुपरकिंग्सलाई ६ विकेटले हराएको छ ।

कोलकाताको इडन गार्डेनमा भएको सो खेलमा टस हारेर पहिले व्याटिङ गरेको चेन्नाईले २० ओभरमा ५ विकेट गुमाएर १७७ रन बनाएको थियो ।

जवाफी ब्याटिंगमा आएको कोलकाताले २ ओभर २ बल अगाबै ४ विकेटको क्ष्यतिमा १७८ रनको लक्ष्य भेट्टायो ।

कोलकाताका लागि शुभमान गिलले ३६ बलमा ६ चौका र २ छक्काको मद्दतमा नटआउट ५७ रन बनाए ।  कप्तान दिनेश कार्तिक पनि ४५ रनमा अविजित रहे । १८ बल सामना गरेका कार्तिक ले ७ चौका र एक छक्का प्रहार  गरे । सुनिल नाराइनले पनि २० बलमा ३२ रनको योगदान गरे जसमा चार चौका र दुई छक्का सामेल थियो ।

बलिङतर्फ चेन्नाइका  हरभजन सिंह, रविन्द्र जडेजा, केएम आसिफ र लुंगी निग्दीले एक-एक विकेट लिए ।

टस हारेर पहिले व्याटिङ गरेको चेन्नाइका लागि कप्तान महेन्द्र सिंह धोनीले नटआउट ४३ रन बनाए । तेस्तै शेन वाटसनले ३६, सुरेश रैनाले ३१, फाफ डु प्लेसिसले २७, अम्बाती रायडुले २१ र रविन्द्र जडेजाले १२ रन बनाए ।

बलिङतर्फ कोलकाताका पियुस चावला र सुनिल नाराइनले २-२ विकेट लिए । ४ ओवरमा २० रन खर्चेका सुनिल प्लेयर अफ दि म्याच भए ।

हारसँगै चेन्नाइ ९ खेलबाट १२ अंकका साथ दोस्रो स्थानमा झरेको छ । यसैगरी कोलकाता ९ खेलबाट १० अंकका साथ तेस्रो स्थानमा उक्लिएको  छ ।

यस अघिको खेलमा चेन्नाई सुपरकिंग्सले आफ्नो घरेलु स्टाडीयममा कोलकातालाई ५ विकेटले हराएको थियो ।