बैशाख २९,२०७५

-

२९ बैशाख , २०७५

आई. पि. एल अन्तर्गत हिजो भएको खेलमा जस बटलरले अविजित ९५ रन बनाए पछि राजस्थान रोयलसले चेन्नई सुपरकिंग्सलाई ४ विकेटले पराजित गर्यो ।

जयपुरमा भएको खेलमा टस जितेर पहिले ब्याटिंग रोजेको चेन्नईले निर्धारित २० ओवरमा ४ विकेट गुमाउदै १७६ रन बनायो । चेन्नईका लागि सुरेश रैनाले अर्धसतक बनाए । उनले ३५ बल खेल्दै ५२ रन जोडे । तेस्तै सेन वाटसनले ३९ , महेन्द्र सिंह धोनीले ३३ , साम बिलिंग्सले २७ तथा अम्बाडु राइडुले १२ रनको योगदान दिए ।

बलिंग तर्फ राजस्थानका जोफ्रा आर्चरले २ तथा इश सोधीले १ विकेट लिए । साम बिलिंग्स भने रन आउट भए ।

१७७ रनको लक्ष्य लिएर जवाफी ब्याटिंगमा उत्रिएको राजस्थानले ६ विकेटको क्ष्यतिमा १ बल अगाबै खेल जित्यो । राजस्थानका ओपनर जस बटलरले अविजित ९५ रन बनाए पछि राजस्थानलाई खेल जित्न सहज बन्यो । ६० बल सामना गरेका उनले २ छक्का र ११ चौका प्रहार गरे । तेस्तै स्त्रुट बिनिले २२ तथा संजु सामसनले २१ रन बनाए ।

चेन्नईका लागि डेभिड विलि , हरभजन सिंह , रविन्द्र जडेजा , श्रदुल ठाकुर र ब्राभोले १/१ विकेट लिए ।

जित सँगै ११ खेलबाट १० अंक बटुलेको राजस्थानको शिर्ष चारमा पर्ने सम्भावना जिवितै छ । राजस्थान सँगै मुम्बई इन्डियनस् र कोलकाता नाइट राइडर्सको पनि ११ खेल बाट १० अंक नै छ । तेसैले यी तिनै टिमलाई बाकी तीनै खेल जित्नै पर्ने दबाब बढेको छ ।