उत्कृष्ट पुरुष र युवा खेलाडीको मनोनयनमा सन्दीप लामिछाने
-
बैशाख ३१, २०७५ काठमाडौं ।
यस वर्षको ‘एनएफजेएफ पल्सर स्पोट्र्स’ अवार्डमा क्रिकेटका सन्दीप लामिछाने ‘बेस्ट प्लेयर आफ द मेल’ र ‘योङ प्लेयर अफ द एयर’को दोहोरो मनोनयमा परेका छन् ।
‘एनएफजेएफ पल्सर स्पोट्र्स’ अवार्डमा यस वर्ष मनोनयनमा पर्न सफल चार विधाको घोषणा गरिएको छ । सोमबार एक कार्यक्रमका बीच अवार्डको मनोनयन सार्वजनिक गरिएको हो ।
त्यस्तै पुरुषतर्फ उत्कृष्ठ खेलाडीको मनोनयनमा पर्ने अन्य खेलाडीहरुमा क्रिकेटका पारस खड्का, ब्याडमिन्टनका दिनेश धामी, जुडोका इन्द्रबहादुर श्रेष्ठ, गल्फका टंकबहादुर कार्की रहेका छन् ।
महिलातर्फको उत्कृष्ट खेलाडीको मनोनयनमा ब्याडमिन्टनकी शोभा गौचन, आर्चरीकी ज्ञानु अवाले, बक्सिङकी बिमला श्रेष्ठ, फुटबलकी साबित्री भण्डारी र टेबलटेनिसकी नविता श्रेष्ठ छन् ।
त्यस्तै युवा खेलाडीमा क्रिकेटका सन्दीप लामिछाने, दीपेन्द्र सिंह ऐरी, फुटबलका दिनेस हेन्जन, जुडोकी मनिता श्रेष्ठ प्रधान र बक्सिङकी पुनम रावल छन् ।
उत्कृष्ट प्रशिक्षकमा क्रिकेटका जगत टमाटा र विनोद दास, फुटबलका छिरिङ लोप्साङ गुरुङ, ब्याडमिन्टनका जयन्तकुमार श्रेष्ठ, बक्सिङका प्रकाश थापामगर रहेका छन् ।
पिपुल च्वाइस विधाको यसअघि नै मनोनयन सार्वजनिक भैसकेको छ । यसमा क्रिकेटका सन्दीप लामिछाने, फुटबलका किरण चेम्जोङ, टेबलटेनिसका स्यान्टु श्रेष्ठ, गल्फकी प्रतिभा शेर्पा, भलिबलका मानबहादुर श्रेष्ठ रहेका छन् ।
