अेट्रोलियम पदार्थको मूल्यवृद्धि फिर्ता लिन कांग्रेसको माग
-
जेठ २०, २०७५ काठमाडौं ।
नेपाली कांग्रेसले लगातार रूपमा पेट्रोलियम पदार्थमा गरिएको मूल्यवृद्धि तत्काल फिर्ता लिन सरकारको ध्यानाकर्षण गराएको छ ।
सांसद् अतहर कमाल मुसलमानले आइतबार प्रतिनिधिसभाको बैठकमा विशेष समय लिएर मूल्यवृद्धि तत्काल फिर्ता लिन सरकारको गम्भीर ध्यानाकर्षण गराएका हुन् ।
मूल्यवृद्धि गरिब जनताको विपक्षमा रहेको भन्दै उनले आपत्ति जनाएका छन् ।
नेपाल आयल निगमले शनिबार रातिबाट लागू हुने गरी मूल्य बढाएको थियो । निगमले पेट्रोल, डिजेल, तथा मट्टीतेलको मूल्य ३/३ रुपैयाँ वृद्धि गरेको थियो ।
वृद्धि भएको मूल्यको आधारमा अहिले पेट्रोलको मूल्य ११३ पुगेको छ । यसैगरी डिजेल र मट्टितेलको ९५ रुपैयाँ पुगेको छ ।
छलफलमा उनले यसबारेमा सरकारको ध्यानाकर्षण गराउने पनि बताए ।
