नेइमारको प्रदर्शनमा ब्राजिलको जित : क्रोएसिया २-० ले पराजित

जेठ २१,२०७५

२१ जेठ , २०७५

तीन महिनापछि खेलमा फर्किएका ब्राजिलका स्टार खेलाडी नेइमारको उत्कृष्ट प्रदर्शनले विश्वकप दाबेदार ब्राजिलले मैत्रीपुर्ण खेलमा क्रोएसियालाई २-० ले पराजित गरेको छ ।

लिभरपुलको घरेलु मैदान एनफिल्डमा भएको खेलको पहिलो हाफ गोल रहित बराबरीमा सकिएको थियो ।

तर फेर्नान्डिनोको स्थानमा मैदान प्रवेश गरेका नेइमारले खेलको ६९ औ मिनेटमा उत्कृस्ट गोल गर्दै ब्राजिल लाई अग्रता मात्र दिलाएनन् , आफु विश्वकपको लागि पूर्ण रूपमा फिट रहेको संकेत पनि दिए ।

घाइते भएर तीन महिना मैदान बाहिर रहेका नेइमार दोस्रो हाफमा मैदान छिरेका थिए । उनले फिलिप कोटिन्होले दिएको पासमा दुई जना क्रोएसियन डिफेन्डरदाई छक्याउँदै आकर्षक गोल गरेका थिए ।

१-० ले अगाडि रहेको ब्राजिलका लागि इन्जुरी समयको अन्तिम मिनेटमा रोबर्टो फिर्मिनोले गोल गर्दै विश्वकपमा बलियो दाबेदारी प्रस्तुत गरे ।

फिफा विश्वकप २०१८ मा छनोट हुने पहिलो टिम ब्राजिलले अब आगामी आइतबार अस्ट्रियासँग मैत्रीपूर्ण खेल खेल्नेछ । ब्राजिल विश्वकपको समूह इमा छ । ब्राजिलले पहिलो खेल जुन १७ मा स्विटजरल्यान्डसँग खेल्नेछ ।