जेठ २३,२०७५

-

२३ जेठ , २०१८

बंगलादेश र अफगानिस्तान बीच भारतमा जारी टि-२० सिरिज अफगानिस्तानले जितेको छ ।

हिजो भएको सिरिजको दोस्रो खेलमा बंगलादेशमाथि ६ विकेटको जित निकालेपछि अफगानिस्तानले एक खेल बाँकी छदै सिरिज हात पारेको हो ।

बंगलादेशलाई ६ विकेटले हराउने क्रममा लेग स्पिनर राशिद खान र मोहम्मद नाबीले फेरी एक पटक उत्कृष्ट प्रदशन गरे ।

राशिद खानले ४ ओवरको स्पेलमा मात्र १२ रन खर्चिएर ४ विकेट लिएपछि कुनै समय १० ओवरमा ३ विकेट गुमाएर ८१ रन बनाएको बंगलादेश अन्तत २० ओवर खेल्दा ८ विकेटको क्ष्यतिमा १३४ रनमा समेटियो ।

बंगलादेशका लागि तामिम इकबालले सर्बाधिक ४३ रन बनाउदा मूसफिकुर रहिमले २२ तथा अबु हिदर रोनीले २१ रन जोडेका थिए ।

अफगानिस्तानका बलर मोहम्मद नाबीले २ तथा करिम जनत र शपूर जाद्रानले १-१ विकेट लिए ।

जवाफी ब्याटिंगमा उत्रिएको अफगानिस्तानले १३४ रनको मध्यम लक्ष्य ४ विकेट गुमाएर ७ बल बाँकी छदै पुरा गर्यो ।

खेल जित्न अफगानिस्तानलाई अन्तिम २ ओवरमा २० रन आवश्यक रहेको अवस्थामा मोहम्मद नाबीले रुबेल हस्सनको ५ बलमा २० रन हान्दै अफगानिस्तानलाई सानदार जित दिलाए । नाबीले १५ बलमा २ छक्का र ३ चौका प्रहार गर्दै ३१ रनको योगदान दिए ।

तेस्तै अफगानिस्तानका समीमुल्लाह शेंवारीले ४९ , मोहम्मद शेजादले २४ तथा उश्मान घानीले २१ रन हाने ।

४ विकेट लिएका राशिद खान म्यान अफ द म्याच भए ।

यसअघिको पहिलो खेल अफगानिस्तानले ४५ रनले जितेको थियो । अब सिरिजको अन्तिम खेल बिहिबार देहेरदुनमा हुनेछ ।