बिहिवार मंसिर १३,२०८१ | Thursday 28 November,2024
बिहिवार मंसिर १३,२०८१ | Thursday 28 November,2024
बैशाख १५,२०७४
-
वैशाख १५ -
अन्तर्राष्ट्रिय क्रिकेट काउन्सिल आईसीसीले नेपाली क्रिकेट खेलाडीको रोकिएको तलब उपलब्ध गराउने निर्णय गरेको छ ।
दुबईमा ५ दिनसम्म चलेको आईसीसीको बोर्ड बैठकले क्रिकेट संघ क्यान निलम्बनमा परेपछि खेलाडीको रोकिएको १५ महिनाको तलब दिने प्रस्ताव स्वीकार गरेको छ ।
राजनीतिक हस्तक्षपको कारण देखाउँदै आईसीसीले गत बर्षको वैशाखमा क्यानलाई निलम्बन गरेको थियो ।
क्यान निलम्बनमा परेपछि खेलाडीले मासिक रुपमा पाउँदै आएको तलब रोकिएको थियो ।
तत्कालिन क्रिकेट संघ क्यानले खेलाडीको प्रर्दशनलाई आधार मान्दै चार समुहमा विभाजन गरेर मासिक रुपमा तलब उपलब्ध गराउदै आएको थियो ।
आन्तरिक विवादमा रुमलिएको नेपाली क्रिकेटको धरासायी व्यवस्थापन र सरकारी हस्तक्षपको कारण देखाउँदै आईसीसीले नेपाल क्रिकेट संघलाई निलम्बन गरेको थियो ।
संघलाई निलम्बन गरेपनि आईसीसीले राष्ट्रिय क्रिकेट टिमले अन्तर्राष्ट्रिय प्रतियोगितामा सहभागि गराउँदै आएको थियो ।
आईसीसीले सल्लाहकार कमिटिले क्यानको विधान निर्माण गरिरहेको उल्लेख गर्दै विवाद समाधान उन्मुख दिशामा रहेको बताएको छ ।
प्रमुख समाचार
सम्वन्धित समाचार
