म्यान्चेष्टर डर्बी

बैशाख १५,२०७४

-

वैशाख १५ -

प्रिमियर लिग अन्तर्गत हिजो भएको म्यानचेष्टर सिटी र म्यानचेष्टर युनाइटेड बीचको डर्बी खेल बराबरीमा सकिएको छ।

इतिहाद स्टेडियममा भएको उक्त तनावपूर्ण खेलमा 'म्यानचेष्टर डर्बी' मा सिटी र युनाइटेडले गोलरहित बराबरी खेल्दै १/१ अंक बाँडेका हुन्।

सर्जियो अग्वेरोलाई हेडबट गरेका फेलाइनीले रातो कार्डको सामना गर्दै मैदान छाडेपछि अन्तिम सात मिनेट युनाइटेड १० जना खेलाडीमा सिमित भएको थियो । तर दश खेलाडीमा झरेको युनाइटेड विरुद्ध सीटीले फाइदा उठाउन सकेन।

खेलको अन्त तिर सिटीका जिससले गोल गरेपनि लाईन्सम्यानले अफसाईड दिएपछि खेल बराबरीमा सकिएको थियो।

दुबै टोलीबाट गोल गर्ने राम्रो अवसर पाएपनि गोल भने हुन सकेन ।

बराबरीपछि दुवै टोलीले अंक तालिकामा तेस्रो स्थानको लिभरपुलाई पछि पार्ने मौका गुमाएको छ। तर दुबै टोलीको अन्तिम चारमा पुग्ने सम्भावना जिवितै छ।

जोसे माउरिन्होको प्रशिक्षणमा रहेको म्यानचेष्टर युनाइटेड पछिल्ला २४ खेलमा अपराजित छ ।

३३ खेलबाट ६५ अंक जोडेको सिटी अंक तालिकामा चौथो स्थानमा यथावत छ।

यस्तै समान खेलबाट ६४ अंक रहेको युनाइटेड पाँचौमा कायम छ। ३४ खेलबाट ६६ अंक झोडेको लिभरपुल तेस्रो स्थानमा छ।

३३ खेलबाट ७८ अंकका साथ चेल्सी पहिलो तथा ७४ अंकका साथ टोटनहम दोस्रो स्थानमा छ।