काम हुन नसकेका १ हजार ८४८ वटा ठेक्काबाट झन्डै साढे दुई अर्ब रुपैयाँ ‘घूस’ !
-
भदौ २८, २०७६ काठमाडौं ।
समयमा काम हुन नसकेका १ हजार ८४८ वटा ठेक्काबाट झन्डै साढे दुई अर्ब रुपैयाँ ‘घूस’ प्रवाह भएको भेटिएको छ । यस्ता ठेक्काबाट २.५ प्रतिशत अग्रिम घूस अनि मोबिलाइजेसन पेस्कीका नाममा थप त्यति नै घूस प्रवाह भएको हो । यीमध्ये ५० भन्दा बढी ठेक्का आयोजनामाथि अख्तियारले अनुसन्धान गरिरहेको छ ।
कति घुस ?
ठेक्का सम्झौता गर्दाः २.५ प्रतिशतसत
मोबिलाइजेसन पेस्की दिँदाः २ देखि २.५ प्रतिशत
निर्माण सुरु नहुँदैः ५ प्रतिशत
अलपत्र परेका ठेक्कामा फसेको लगानीः १ खर्ब १९ अर्ब
आयोजनाबाट उठेको अग्रिमः २ अर्ब ३६ करोड
काम सुरु नहुँदैः ५ अर्ब ३१ करोड
अख्तियारका अनुसार करिब १८ सय ठेक्का रुग्ण छन् । तीमध्ये १ हजारभन्दा बढी ठेक्काको दोस्रोपटक म्याद थपेर पनि काम भएको छैन । आजको कान्तिपुर दैनिकमा खबर छ।
