श्रावण १०,२०७७

-

· सविना खतिवडा––

कपाल, दाह्री फुलेका मेरा प्रिय हजुरबुबा हजुरआमा हरुलाई म के भन्न चाहन्छु भने यस्तो बुढेशकालमा पनि देशको मायाले गर्दा देश हाक्छु भनेर राजनीतिमा लाग्नुभयो म आभार प्रकट गर्दछु । तर यदि देशलाई हाँक्न सक्नुहुन्न भने चिया खाएर आरामले घरमा बस्नुस् । देशको बद्नाम नगर्नुस् । हामी छौँ देश प्रेमी, ज्यानको बाजी लगाउँछौ । हामी युवालाई ठाउँ दिनुस ।

बोक्रे नेताहरुलाई के भन्न चाहन्छु भने राजनीति तपाईहरु जस्ताको वाइहात नीति होइन । राज्यको सबैभन्दा ठूलो नीति हो । जो देश र जनताको लागि छातीमा गोली खान पनि तयार हुन्छन् । हो उसैलाई सुहाउँछ राजनीति । म भनिरहनेछु की यदि देशलाई हाँक्न सक्नुहुन्न भने तपाइँ आजैदेखि दादागिरी देखाउन छाड्नुस् । यो राजनीति हो, तपाईंको दादानिति होइन, राज्यको हित गर्नुहोस । नत्र यो देशले सराप दिनेछ । राजनीतिमा यस्तो व्यक्ति लाग्नुपर्दछ जस्को रगत देश र जनताको लागि उम्लिन्छ ।

 राजनीतिलाई व्यवसाय सम्झेका छन् । जनता र देशको लागि शासन गर्न राजनीति चुन्नुस । तर तपाईंको स्वार्थी शासन तोड्नुहोस् । कतिपय नेपाली सांसद्हरुले भारतसंगको सीमा विवादमा भारतको पक्षमा बोलेका छन् । त्यस्ता राष्ट्रघातिलाई देश निकाला गर्नुपर्छ । अलिकति पनि लाज लाग्दैन ?