फ्रान्सेली संसदको तीन सदस्यीय टोली नेपाल भ्रमणमा आउने
-आस्था न्यूज
माघ २, २०७८ काठमाडौं ।
फ्रान्सेली संसदको तीन सदस्यीय टोली नेपाल भ्रमणमा आउने भएका छन् ।
फ्रान्सेली तल्लो सदनका संसदहरु भेरोनिक रियोटन, ग्राज़िएला मेलचियोर र निकोलस फोरिसियरको टोली आगामी माघ १८ गते ९फ्रेबुअरी १० देखि नेपालको औपचारिक भ्रमणमा आउन लागेका हुन् ।
टोलीका २ महिला सांसद सत्तारुढ दल रिपब्लिक एन मार्चेका सांसद हुन् भने अर्का सांसद फोरिसियर विपक्षी दल द रिपब्लिकन्सका हुन् ।
संसदीय टोलीमा फ्रान्सेली संसदका अधिकारी पास्कल मार्चेन पनि सहभागी रहनेछन् ।
टोलीले प्रधानमन्त्री शेरबहादुर देउवा, प्रतिनिधि सभाका सभामुख अग्निप्रसाद सापकोटा, राष्ट्रिय सभाका अध्यक्ष गणेश प्रसाद तिमिल्सिना, नेपाल–फ्रान्स अन्तर संसदीय ग्रुपका अध्यक्ष तथा नेकपा एकीकृत समाजवादीका अध्यक्ष माधवकुमार नेपाल, परराष्ट्रमन्त्री नारायण खड्का, ललितपुर महानगरपालिकाका मेयर चिरीबाबु महर्जन लगायतसँग भेटवार्ता गर्ने कार्यक्रम छ ।
खबरहबसँग कुराकानी गर्दै फ्रान्स नेपाल मैत्री संघका अध्यक्ष विनोद खकुरेलले सांसदहरुले अहिलेसम्म भ्रमण रद्द नभएको जानकारी गराएको बताए ।
संसदीय टोलीको भ्रमणबारे फ्रान्सेली दूतावासले परराष्ट्र मन्त्रालयलाई औपचारिक जानकारी गराइसकेको भए पनि नेपालमा कोभिड–१९ को संक्रमण बढिरहेको समयमा उनीहरुको भ्रमण हुनेरनहुने बारे मन्त्रालयले औपचारिक जानकारी दिएको छैन ।
संसदीय टोलीको माघ २१ गतेसम्म औपचारिक र त्यसपछि केही दिन निजी भ्रमणको कार्यतालिका छ ।
