गुण्डागर्दीमा संलग्न प्रशान्त लिम्बु पेस्तोलसहित कपनबाट पक्राउ
-आस्था न्यूज
चैत १६, २०८० काठमाडौं ।
जिल्ला प्रहरी परिसर काठमाण्डौले गुण्डागर्दीमा संलग्न प्रशान्त पराङदेवा लिम्बुलाई पेस्तोलसहित कपनबाट पक्राउ गरेको छ ।
गुण्डागर्दी तथा अवैध हातहतियार नियन्त्रण गर्ने जिल्ला प्रहरी परिसरको अभियानअन्तर्गत कपन क्षेत्रमा गुण्डागर्दी गर्ने र समाजमा भय, त्रास सृजना गर्ने व्यक्तिको खोजतलास गर्ने क्रममा लिम्बु पक्राउ परेका प्रहरीले जनाएको छ ।
शङ्कास्पद गतिविधि गरेको सूचनाको आधारमा ताप्लेजुङको फुङलिङ नगरपालिका–९ घर भई अहिले सरस्वतीनगर कपन बस्ने २८ वर्षीय प्रशान्त पराङदेवा लिम्बुलाई पक्राउ गरेको प्रहरीले जनाएको छ ।
लिम्बुको घरमा खोजी गर्दा कटुवा पेस्तोल एक थान, धारिलो चक्कु दुई थान, फलामको हम्बर एक थान र मोबाइल दुई थानसहित पक्राउ गरेको प्रहरीले जनाएको छ ।
